051 – 4474681 admin@oranjemeisies.co.za

Ané Janse van Vuuren, ’n gr. 9-leerder aan die Hoër Meisieskool Oranje kan haar noem as die beste o.16-speler in meisieshokkie in Suid-Afrika in 2019.
Ané is aangewys as die Speler van die Toernooi én beste middelveldspeler na afloop van die interprovinsiale hokkietoernooi vir o.16’s in Pietermartizburg.
Sy en twee van haar Oranje-spanmaats wat lede van die Suid-Vrystaatse span was, Tuané van der Westhuizen en Nicóle le Roux, is vir ’n SA o.16-groep gekies. Almal is nou eers in gr. 9.
Nicóle se ouer suster, Mikkela, is verlede week vir die SA o.18A-span gekies (lees daaroor hier http://bit.ly/2N51c77).
Die Suid-Vrystaatse o.16-span was die naaswenner in Pietermaritzburg.
Benewens Ané, Tuané en Nicóle was Irmarie Buys, Zoë Erasmus, Marleze Hoffman, Elné Lourens en Leané McLaren lede van dié span wat deur Gys van Schalkwyk gebrei is. Hy is die afrigter van Oranje se o.16A’s.

Drie leerders van die Hoër Meisieskool Oranje, (van links) Tuané van der Westhuizen, Ané Janse van Vuuren en Nicóle le Roux, is vir ’n SA o.16-oefengroep gekies. Hulle was lede van die Suid-Vrystaatse o.16-span wat die naaswenner op die interprovinsiale toernooi was.

Ons Skool

Die C&N Meisieskool Oranje in Bloemfontein is ’n oopkop-skool wat tred hou met die moderne wêreld sonder om Christelike waardes, betekenisvolle tradisies en hoëgehalte-onderwys weg te gooi.

Lees meer...


Oranje het ’n uitstekende akademiese rekord. Die skool het in 2018 oudergewoonte onder die top 50 skole in die Vrystaat geëindig.

Vyf leerders het onder die top 50 akademiese slimkoppe in die Vrystaat geëindig.

Lees meer...


Kultuur

Oranje is ‘n skool waarin die kultuurbedrywighede net so belangrik soos die sportbedrywighede is. Die veelsydigheid van aktiwiteite en die leerderdeelname is genoeg bewys hiervan.

Lees meer...


Sport

Oranje beskik oor toegewyde en professionele afrigters en maak ook van goed gekwalifiseerde buite-afrigters gebruik. 

Alhoewel ons baie trots is op ons nasionale en provinsiale sportlui, is die skep van geleenthede vir almal ’n groot prioriteit.

Lees meer...

 


Kontak Ons

3 Harry Smithstraat, Arboretum,
Bloemfontein, 9301

+27 (0) 51 4474681

Volg Ons