DRAMATIESE KUNS

Oranje was die eerste (en vir lank die enigste) skool in Suid-Afrika om drama as vak aan te bied.

Dramatiese kuns word as ‘n keusevak by Oranje aangebied en bied aan leerders die kans om holisties te ontwikkel. Drama ontwikkel nie slegs kreatiwiteit nie, maar ook die vermoë om persoonlik te groei en verskeie sosiale vaardighede aan te leer wat in enige vakgebied goed te pas kan kom.

Die kurrikulum strek oor verskeie gebiede van teater wat teoreties, sowel as prakties bestudeer word. Leerders word die geleentheid gegun om deel te neem aan verskeie praktiese projekte, insluitende:
– Nasionale Toneelkompetisie in samewerking met kykNET
– Reza de Wet-tienertoneelfees, aangebied deur Oranje in samewerking met die Vrystaat Kunstefees.
– ATKV-Tienertoneelkompetisie
– Logan-toneelfees in Fraserburg
– Montagu Jeug Kunstefees
– Kunswedstryde

In 2017 het vier leerders saam met mev. Retha Pool, drama-juffrou en me. Mariehetta Matthee, gewese skoolhoof, die World Festival of Puppetry in Charleville-Mezieres in Frankryk bygewoon.
Oranje se matrieks behaal sedert 2011 jaarliks ’n 100%-slaagsyfer in die vak en was eerste in die Motheo-streek in 2016 en 2017.

Het jy geweet?

Le Rouxhuis was ’n hospitaal tydens die Anglo-Boereoorlog en die 1ste skool-gebou en koshuis.

Die 1ste netbalspan, hokkiesspan én tennisspan was almal in 2022 die nasionale kampioen.

Die koor en Con Spirito-sanggroep het albei in 2023 hulle nasionale kompetisie gewen.

OMS was in 2021 17de nasionaal vir meeste onderskei-dings per leerder in die eindeksamen.

Oranje was die 1ste en lank die enigste skool in die land om drama as eksamen-vak aan te bied.