051 – 4474681 admin@oranjemeisies.co.za

Die Hoër Meisieskool Oranje het ’n indrukwekkende rekord op die Super12-hokkietoernooi oor die vorige vyf jaar opgebou.
Die sesde weergawe begin Donderdagoggend.
Vier uit die vyf jaar (2014 tot 2017) is hy as kampioen gekroon.
Herschel Girls’ High het die eerste span geword om Oranje ’n nederlaag op die toernooi toe te dien. Dit was in 2017 nadat Oranje in 2014, 2015 en 2016 al 25 sy wedstryde gewen het.
Verlede jaar, in die uitspeelwedstryd om die derde plek, het Herschel ’n tweede sege oor die Oranjeniete behaal. Dít nadat die gasheerspan in die halfeindronde teen St. Mary’s Kloof vasgeval het.
In die vorige vyf jaar van die toernooi het Oranje in totaal 35 oorwinnings in 39 kragmetings behaal. Hy het drie nederlae gely (elke keer met 0-1) en een wedstryd (teen St. Stithians Girls’ College) het gelykop geëindig (verlede jaar).
Die Oranjeniete het ’n totaal van 115 doele behaal en 25 afgestaan.

Die eerste hokkiespan van die Hoër Meisieskool Oranje wat in 2017 se eindstryd van die Super12-toernooi met 2-0 oor Herschel Girls’ High geseëvier het. Dit was sy vierde agtereenvolgende toernooisege.

Ons Skool

Die C&N Meisieskool Oranje in Bloemfontein is ’n oopkop-skool wat tred hou met die moderne wêreld sonder om Christelike waardes, betekenisvolle tradisies en hoëgehalte-onderwys weg te gooi.

Lees meer...


 

 

 

Akademie

Oranje het ’n uitstekende akademiese rekord.

Die skool het in 2018 oudergewoonte onder die top 50 skole in die Vrystaat geëindig.

Vyf leerders het onder die top 50 akademiese slimkoppe in die Vrystaat geëindig. 

Oranje se klas van 2018 het ’n klasgemiddeld van 69,7% behaal.

Lees meer...


Kultuur

Oranje is ‘n skool waarin die kultuurbedrywighede net so belangrik soos die sportbedrywighede is. 

Lees meer...


Sport

Oranje beskik oor toegewyde en professionele afrigters en maak ook van goed gekwalifiseerde buite-afrigters gebruik. 

Lees meer...

 


Kontak Ons

3 Harry Smithstraat, Arboretum,
Bloemfontein, 9301

+27 (0) 51 4474681

Volg Ons